BAB 1 PULAU KAMBANG Pulau kambang jadi tujuan urang gasan bawisata nang ada di tangah Sungai Barito. Ngaran langkapnya Hutan Wisata Alam Pulau Kambang. Dangari atawa baca kisah dibawah ngini! Pahami kisahnya bujur-bujur, sakira kaina pian kawa mangisahakan pulang! A. BAKISAH ASAL MUASAL PULAU KAMBANG Kisah Pulau Kambang Wayah bahari di antangan muara Sungai Barito, Banjarmasin, badiri karajaan bangaran Karajaan Kuin. Karajaan kuin ngini liwar banyak didatangi urang-urang badagang tumatan nagara Iain, marganya andakannya nang pas banar. Karajaan ngini baisi Patih nang sakti, pawanian wan gagah parkasa nang bangaran Datu Pujung. Datu Pujung ni jadi Patih Karajaan PULAU KAMBANG LEGENDA PULAU KAMBANG ASAL MUASAL DI PULAU KAMBANG ASAL MUASAL DI PULAU KAMBANG
andalan gasan mahadapi urang-urang nang handak manguasai atawa handak babuat jahat di Karajaan Kuin. Kada barapa lawas, datang kapal ganal Inggris nang balabuh di Sungai Barito. Kapal ngitu mambawa banyak pasukan atawa awak kapal nang kabanyakannya urang Tionghoa. Buhannya baniat badiam salajur handak manguasai Karajaan Kuin. Maka bubuhan pasukan nitu maancam panduduk gasan manyarah. Datu pujung mahadapi ancaman ngitu wan sabar. Datu Pujung maingatakan gasan buhan pasukan Inggris ngitu, amunnya handak manguasai Karajaan Kuin kada usah ada batumpahan darah. Datu Pujung maajuakan syarat, bubuhan pasukan inggris ini harus malalui mambari ujian nang sidin bari. Syaratnya harus kawa mambalah kayu ganal tapi kada bulih mamakai alat atawa senjata. Syarat nang dibari Datu Pujung wan pasukan Inggris kadada nang kawanya. Buhannya gagal mambalah kayu ganal ngitu kada mamakai alat atawa senjata. Imbahnya, wan kagagahannya Datu Pujung malihatakan kasaktiannya. Sidin mambalah kayu ganal pakai tangan haja. Datu Pujung mambuktiakan wan pasukan kapal bahwa syarat nang diajuakan sidin ngitu sasuai lawan nang diucapakan sidin. Marga pasukan kapal gagal manggawi syarat nang diajuakan, Datu Pujung manyaranakan sakira bubuhan kapal Inggris ngitu lakas maninggalakan wilayah Karajaan Kuin wan bulik ka nagara asalnya. Tapi, sakalinya buhannya tatap bakaras handak badiam wan manguasai Karajaan Kuin sasuai tujuan awal. Datu Pujung kada badiam haja. Wan sagala kasaktiannya, Datu Pujung maninggalamakan kapal wan sabaratan panumpangnya di Muhara Sungai Barito. Kalawasan, bangkai kapal ngitu mahalangi jalannya banyu sungai. Maulah banyak batang kayu sangkut dibangkai kapal ngitu. Sasain hari, kayukayu nang tasangkut ngitu makin batuyuk sampai lawan ditumbuhi pupuhunan. Lawas-kalawasan puhun-puhun nang tumbuh makin banyak wan subur. Imbahnya, bangkai kapal wan tumpukan kayu ngitu jadi pulau di tangah sungai. Burung-burung gin banyak nang hinggap wan basarang di pulau ngitu. Kabar tinggalamnya kapal wan sabarataan panumpangnya nang kabanyakan urang Tionghoa ngitu makin tasiar kabarnya kasabarataan panjuru nagara. Banyak urang Tionghoa nang datang ka pulau ngitu gasan tahu atawa baziarah gasan laluhurnya nang tinggalam di sana.
Buhannya jua mambawa kambang, hal ngitu digawi sapanjangan waktu jadi tabantuk tuyukan kambang nang liwar banyak. Siapa haja nang maliwati pulau ngitu jadi malihat tuyukan kambang nang Iiwar banyaknya. Kalalawasan Masyarakat parak situ imbahnya mambari ngaran pulau ngitu wan Pulau Kambang. B. ASAL MUASAL WARIK DI PULAU KAMBANG Asal Muasal Warik di Pulau Kambang Wayah bahari ada putri katurunan karajaan Kuin nang batahun-tahun kada baisian anak. Nasihat buhan urang pintar, putri ngitu harus maadakan upacara badudus (bamandimandi) di Pulau Kambang bila handak lakas baisi anak. Nasihat urang pintar ngitu disambut baik wan buhan kulawarga karajaan. Kulawarga karajaan ngitu akhirnya maadaakan upacara badudus di Pulau Kambang. Kada lawas, putri tadi batianan wan baisi anak gasan ahli waris karajaan. Kahimungan banar bubuhan kulawarga karajaan. Raja mautus patugas karajaan gasan manjaga pulau ngitu sakira kadada urang nang marusak atawa mangganggu Pulau Kambang, hal ngitu digawi sakira Pulau Kambang tatap tajaga. Patugas karajaan nang batugas manjaga Pulau Kambang, mambawa jua sapasang warik nang ganal gasan mambantu buhannya bajaga. Warik bini bangaran si Anggur, warik laki bangaran si Anggar. Kadua warik ngitu baawak ganal kaya manusia. Lawas-kalawasan, patugas karajaan nang manjaga Pulau Kambang ngitu bahilang wan kadada nang tahunya dimana rimbanya buhan panjaga ngitu. Imbah ngitu, kadua warik nang ditinggalakan jadi baanakan (batambah banyak) sampai wahini jadi panghuni Pulau Kambang.