Hijau dan Kuning Digambar Tangan Senin Kesadaran Diri Kebugaran Pembelajaran Sosial dan Emosional Ruang Kelas Pengumuman

KARYA
SASTRA
BUGIS

Oleh:
St. Hardianti

&
Siswa Sman 13 Sinjai




SMAN 13 SINJAI

ELONG

Elong Assimellereng, Elong
Toto, Osong, Elong Sibali

.

Ambo

oleh:
Niar Ramadani
Ambo..
Uwisseng makkedda watakkalEta mamengngeng kale
Lao si esso bujuru, mitti uwaE puse’ ta
Massappa dalle Elo’E napakE ana’ ana’ ta

Ambo….
Malampe’ sumangetta
Idi nasabari ullEi massikola
ullEi mabbalanca aga kuEloriye

Ambo…
Idi tau makkiangke ri laleng atikku
dE nakuEllai padapi I jarikku ri sininna jamangnge nako taniyya
tanrang idi
Idi paerrEkka ri sining anu makessingngE

Ambo...
Esso wennika millau doing ko puangngE
Bara na arengki umuru’ malampe
na adecengeng ri lino lettu ahEra

Ambo..
Idi’ pagguruka ada ada madEceng
Nakko salaka dE’ tamacai
Sining adEcEngngetta dE’ uengka lupaiki
Lampe’ umuru’ki ambokku.

Kampongku

Oleh: Syahrul Ramadan



Kampongku…
Kampongku onrongku ri jajiang
Onrongku massahE…
Angkekku’ siloppo makkuwE

Kampongku…
Diolo’ iyE kampongku penno galung
Naiyya makkukkuro tabbalEni
Mancaji kampong roa pabbanuwa

Kampongku…
Iya diyolo maEga panjappa makkajE
Na iyya makkukkuro mallolang motoro’ na oto
Mau ko diga
kampongku kaminang madecEng ri matakku.

Uddani



Uddani marilaleng lao ri Indo ambokku
Upaletturangngi sininna uddani
Marilalengkku ri to matoangku malebbie
To matoa iyadE na pettu pa’ doangenna ri anana

Makkuni wissenna de’ gaga pada-padanna papojjimmu
ri alEku
mau tonni de’ ullei pappada-padai pappojimmu
rialEku
Iyani waseng
Idi’na tau ulawenna ri matakku

Tomatoangku teppetttu teppettu parillaungenna ri
puangngE
Marillau adEcEngenna ana’ ana’ na
Makkutongenna
De’ gaga pada-padamu indo’ ambo’

Uperrengnggi



Paramata macinnongnngE
PuraE musompangenga
NakkullE kasi’
teppadai cinnong na atita lao di iya
Pappojimmu ri alEku

Teppadani rimulanna
NakkullEna kasi’
tapasajangngi atikku
Taroki bunga laingngE

De’ gaga gunana
warang parangngE bawang
Muappamatang lao ri iya
Namu’ puElo Elo’mu

Adatta daEng ri yolo
Me’lo’ mEwaka silampEreng
Jancitta riyolo
Sunge’pa passarangngi

Cappu’ni pakkuragaku
turuti maneng Elotta daeng
Mauni tapeddirika
Tettemupi uperrengngi

Mattuntu Paddissengeng



Usalai tana ancajingekku
Uliwettoi tasi malowang
Usompe’ mabEla

Sellukka ri ale’ kabu
Kupusa nawa-nawa
Ati mallolengeng

Iya tappaja usappa
Paggoncing pattimpa’na
Babangna Suruga

Pura toddo’ pettu ri laleng atikku
Iyapa kulisu
Ulolongeng ppi ukkattaiyyE

Tudangnga ri Pesonaku
SanrE’ka ri toto’ku
Kutajeng pammase’

RE’sopa na temmangingngi
malomo nalEtEi
pammasE’ dEwata

PANTUN BUGIS

De’ gaga anging dE gaga gunturu,
PolE muni bosiE mannenne maraja
Salaini sipa’ mangnganga namakuttu
PapolE gau kessing namakanja

Ambo ta lao cige di dare’E
Mita uha CengkE tabbakka
De’ na weddingki nasalai ade’E
Nasaba iya mappaEnre barakka

Jokka –jokka lao madderos
Na siruntu kallolo magaretta
Ko Elokki mammodus
Pakanjakki mEttonni sipa’ta

Sibali lino AhEra




Idi’ daeng unganna ri atikku
Maccolli mattakkeni pappojikku
MammuarE’ idi’ tonna totokku
Sibali lino ahEra…

Aja’ daEng’ talEssEri’ jancitta
purani wakkatenni masse adatta
Tennapodo dEcEng mua cappa’na
Sipuppureng pakkaju sEro’

Dua ati pura ripassiruntu
Iyana itu atikku na atitta
muamminasa passEddiwi
Upassingkerru’ sibawa ada tonging

Cinnong ati mElo’ tarennnuang
Engka ritu mabbola rialEku
Minasakku rialEta
Tudanng lebbi nasabbi tau maEga

Sinjai Pappojikku




DEndang- sidEndang sidEndang
dendang ana’ Ogi’na Sinjai
Taniya cokko bawang
SampEyang ada pappojitta

Ri Sinjai pappojitta
Engka kampong masagalaE
Dua tellu maddembangeng
Situnru’ tunru’ aseng na

Jappaki massEddi
mitai tana ugi’na Sinjai
Pada idi’mi bawang
SampEang ada mappojitta.

Ampe’na To SinjaiyE’



TabE puang …
Idi maneng pada malimpo-limpo
Engka tudang sipulung
MaElo’E mitai adEcEngenna tanatta

Tipallebbangngi maneng
sia kessi-kessinna Sinjai
SarEkuammengngi napolewali
Pabbanuwa to SaliwengngE mElo’ Bali

Iyaro tau SinjaiyyE
DE’ siseng naElo rampEi
ja’na padanna rupa tau
Nenniya narampei ri adEcEngengge

Maini tapada makkatenni
Ri ade’na to SinjaiyyE
tapada makkai assEddinna
to tebbe’E ri Sinjai

Kallolona Sinjai
Oleh: Aidilo Adis



Ooo…..KalloloE maneng
Iya’na Lai-lainna to Sinjaiiyye
MaElo passEddiEngngi to tebbeE
Ri tana pappojitta Sinjai

PattarakkaEngngi ade’ Sipakau
Piasseriwi abbulo sipeppa
Gangkang mompo’na sEwwa ada
Sinjai Mabbulo Sipeppa

Tabe’ La puang…
Maini to pada makkatenni ri ade’ E
Tapada marEso nassama iyyE
Sappai dEcEnna wanuwaE…

Uleng

Uleng…
Iko papajangngi wenniyE
Iko papajangngi atiyE
Iko mebbErE apajengeng ri petteng ngE
Sining kuasana Puang Allah ta ala
Uleng…
Mompo’no mabbErE pabbura
Mario sining tauwa piseddiniwi
akessingengmu ri wenniya
Uleng
Mattudangka sipulung
sibawa siajingku ri wenniyE
makkita ri langiE
mitaki tabbaka uleng magarettaE

Elo’na TauwwE

NarEkkom mompoi mata essoE
Kuangnguju pamula ri essoE
Sijuta akkatta na nipi
Ku papolE ri BangsaE
Na mu’ni engka passangkalangeng
dE’ to ku pettu paddennuang
dE’ ku pettu paddennuang
namakkuto watakkalEku
kukkuro napi ni Elonapi tauwwE
mangusaha
Doa ancaji laleng matanrE
Aja’ mubata bata na muitai ri
laleng ati
Pancajiki sumange’ ri laleng atie
NarEkko Elokki makessing
maddimonrinna

PabbellEng

Oleh; Davi Fahreza

Purani majjanci
Purani massumpa
nE tasalaiwi jancitta

pada tau maumpe’ rupa
Doi pabbanuwa muinnau
dE gaga susa ta

Padawi’ balEsu iya
MannangE’ ko salo’ malu’ E
tabbEyyang Siri’ ta
nasaba warang parang simata

PANTUN BUGIS

Engka kallolo manrE buku
Luppe-luppe yase’na otoE
Re’kko Elokki missengngi karEbakku
Ta kkutanangngi pasengku ri anging labu essoE

Ana’ dara melli golla
nasiruntu kallolo magaretta
NarEkko Elokki messu bola
Tappasabbi kenssing ri tomatoatta

Kallolo lao jambang
na ileppo sapi
Ko topuranna sijanciang
Wedding ni to sisEo ciccing

Sininna iyaseng ngE carita
Engka tu paccappurenna
Sininna gello’ naita mata
namutto awo naaseng mato to ripojinna.

Pattola Palallo



Jokka ku upotaneng
Mempe ku ritanrEna bulu
Nange ku rilimbanna tasi
Ripellana essoE, na ri pettanna wenniE

UlEtE ri lino tiwi paseng
Mappalettu ininnawa ati
mappasokku paddennuang
Mancaji Pattola Palallo

Iya wija ugi pattola palallo
De urennu tiwi siri
De’ utuwo sesse alE
paseng utarima urenreng nyawa

Makkarumpa majjallo maggetteng
Tettong makkuraga degage cau
PaEnrE alebbireng patterru mana
Ri totoku… ugi pattola palallo