မိမွေးတိုင်းပဲ မဟုတ်လား။ သို့သော်လူတို့သည်Originality ကို အရှက်မရှိဟု ထင်၍ ဖုံးသည်၊ အုပ်သည်၊ ထပ်ဖြင့်သည်။ ထို့ကြောင့်ရုပ်ရှင်ထဲတွင်ကုလားများ ‘က’ ကြသည်။ ၎င်းတို့အား ကယ်တင်ဖို့လိုနေသည်။ ‘ကယ်တင်ရှင်များ အသင်း’ ဟူသော အသင်းတစ်ခု ကျွန်ုပ်ထူထောင်ခဲ့ဖူးသည်။ ကယ်တင်မည်။ လောကရဲ့ ကိစ္စ၊ ဝိစ္စ၊ အရှုပ်အရှင်းတွေ အားလုံးအတွက်၊ ဒုက္ခနဲ့ သောကတွေ အားလုံးအတွက် ‘ကယ်တင်ရှင်များ အသင်း’ ရှိသည်။ သို့သော် အလကားတော့ မရ။ ပိုက်ဆံ နည်းနည်းတော့ ပေးရမည်။ ပိုက်ဆံရှိမှ ကိုယ့်ကိုယ်ကိုယ်လည်း နည်းနည်းပါးပါး ပြန် ကယ်တင်နိုင်မှာပေါ။ စူပါမင်းတို့၊ စပိုက်ဒါမင်းတို့တောင်ရုပ်ဖျက်ပြီး အလုပ်ထွက်လုပ်ရသေးတာ။ ကျွန်ုပ်က ဘာမို့လို့လဲ။ သို့သော်လူတွေက ခက်သည်။ အကယ်တင် မခံချင်ကြ။ ကိုယ့်ဘာသာ ဖြစ်သလိုကြီး ကယ်တင်နေကြသည်။ အချိုး မကျလှ။ ကျွန်ုပ်တို့ဆီမှာ ကယ်တင်ခြင်း နည်းလမ်းများ ရှိနေသည်။ ပြီးစလွယ် မဟုတ်။ သေသပ် လှပရမည်။ ဝန်ဆောင်မှု ကောင်းရမည်။ အကောင်းစား ကယ်တင်ခြင်းများကို လူတွေ မခံစားတတ်။ ကျွန်ုပ်တို့ဆီ ဘယ်သူမှမဆက်သွယ်။ အလုပ်မဖြစ်။ ကျွန်ုပ်ရှက်ရှက်နှင့်အသင်းနာမည်ပြောင်းလိုက်သည်။ ‘ကယ်တင်ချင်သူများ အသင်း’ ဟူ၍။ ••••••••••••••••
‘…’ ဟု ပြော၍ စိုင်းမင်းအား ပါးပိတ်ရိုက်လိုက် လေသည်။ စိုင်းမင်းလည်း ပူထူကာ ဒေါသထွက်ထွက်နှင့် တံတား ဘောင်ပေါ်မှ ရေကန်ထဲသို့ စွတ်တရွတ် ခုန်ဆင်းသွားတော့သည်။ သီတာ လှမ်းဆွဲသော်လည်း အချည်းနှီးသာ။ အတ္တကိုယ်စီဖြင့် တည်ဆောက်ထားသော ချစ်ခြင်း အတုသည် အဘယ်မှာ ကြာရှည်တည်မြဲပါအံ့နည်း။ ဤတွင် ကျွန်ုပ်၏ ဝတ္တု ပြီးပြီ ဖြစ်သည်။ ကျွန်ုပ်လည်း ခြေဆန့် လက်ဆန့် ပြုရန် မတ်တတ် ထအရပ် ‘ဘယ်လဲဗျ’ ဟူသော အသံဖြင့် စိုင်းမင်းသည် ကျွန်ုပ်၏ စေ့ထားသော အိမ်ရှေ့ တံခါးပေါက်မှ ရေများ စိုရွှဲလျက်ဝင်လာလေသည်။ ‘မင်း မသေဘူးပေါ့’ ဟု ကျွန်ုပ်တည်ငြိမ်စွာ မေးလိုက်၏။ သကောင့်သားက ကျွန်ုပ်၏ ကွန်ပျူတာ ရှေ့ကခုံပေါ်တွင် ခပ်တည်တည် ဝင်ထိုင်ကာ ‘သေစေ့ချင်လည်း ရေထဲကျ သေပြီလို့ ဝတ္ထုထဲ ထည့်ရေးလေဗျာ၊ ဘယ့်နှယ်’ ဟု မချိုမချဉ် မျက်နှာဖြင့် ပြန်ပက်ချေ၏။ ထိုမှ ဆက်၍ ‘ခင်ဗျား ကွန်ပြူတာကလည်း ဗားရှင်း နိမ့်လှချေလား၊ အသစ်ဝယ်တော့’ ဟု အမိန့်ရှိပြန်သည်။ ကျွန်ုပ်က ‘အသစ်ပေါ်တိုင်း ငါက လိုက်ပြောင်း နေရမှာလားဟ၊ ဒါလည်း သုံးလို့ဖြစ်တာပဲ’ စိုင်းမင်း(ရယ်လျက်)။ ။ ‘သဘောပါဗျာ၊ ကဲ ဒဏ်ကြေဆေးလေး ဘာလေးပေး၊ ပြီးရင် ကျွန်တော် အဝတ်လဲဖို့လေးလည်း လုပ်ဦး၊ နမိုးနီးယား ဖြစ်တော့မယ်’ ကျွန်ုပ်။ ။ ‘ဟိုဘက် အခန်းထောင့်မှာ မီးပူတိုက်ပြီးသား အဝတ်တွေ ပုံထားတယ်၊ သွားဝတ်ချေ၊ ကြောင် အိမ်ပေါ်မှာက ဒဏ်ကြေဆေးနဲ့ပါရာစီတမောလ်’ ကျွန်ုပ် စကားပင် မဆုံးသေးခင် ငချွတ်သည် ဟိုဘက်ခန်းသို့ ပြေးလေ၏။ ထို့နောက် ကော်ဖီဖျော်သံ ကြားရသည်။ ထို့နောက် မိုးစက်များ ခေါင်မိုးပေါ်ကျသံ ကြားရသည်။ ထို့နောက် ကော်ဖီဖျော်သံရပ်သွားသည်။ ကျွန်ုပ်လည်း အိမ်ရှေ့ခြံကွက်လပ်သို့ပြင်ပလေ ရှူရန်ထွက်လိုက်သည်။ အိမ်ရှေ့တံခါး ဖွင့်ဖွင့်ချင်း ရေတံလျှောက်မှ ရေများ ဝေါခနဲ ကျွန်ုပ်ခေါင်းမှ ပြို၍ ကျဆင်းလာလေရာ ကျွန်ုပ်ပါ တစ်ကိုယ်လုံး ရေရွှဲရခြင်း အဖြစ်သို့ ဆိုက်လေသည်။ ‘မိုးကလည်း မစဲနိုင်ဘူး’ ကျွန်ုပ်တစ်ကိုယ်စာ တွေး၍ အိမ်ထဲ ပြန်ဝင်ရန်အလုပ်တံခါးပေါက်မှ သီတာ လိုက်ထွက်လာပြီး ‘မောင် ရေစိုကြီးနဲ့အကြာကြီး မနေနဲ့၊ အိမ်ထဲဝင်တော့၊ အထဲမှာ ကော်ဖီလည်း ဖျော်ထားတယ်’ ဟု ချိုသာစွာ ဆို၏။ သို့သော်ဘာကြောင့်မှန်း မသိ၊ ကျွန်ုပ်၏ စိတ်များ အလိပ်လိုက်တိုလာပြီးလျှင်သီတာ၏ ပါးအား ကျွန်ုပ်၏ ညာလက်ဝါးဖြင့်အားရပါးရ လွှဲကာ ရိုက်ပစ်လိုက်တော့သည်။ သိပ်ကိုမြန်ဆန်လွန်းသည်။ သီတာလည်း ရုတ်တရက် ကြောင် သွားပြီးမှ ငိုဖို့ သတိရကာ အိမ်ထဲပြန်လှည့်ဝင်လိုက်ပြီး တံခါးကိုဆောင့်ပိတ်လိုက်၏။ တံခါးဘောင်တွင်သံနဲ့ရိုက်ထားသည့်စိုင်းမင်းဟု ထွင်းထားသော စတီးလ်း ပလိတ်ပြားလေး ချွင်ကနဲ ပြုတ်ကျသွား၏။ တံခါးရှေ့တွင်ဘယ်သူမှမရှိ။