TUGASAN 1 BIBB3193 2021032340161

INSTITUT PENDIDIKAN GURU KAMPUS RAJANG
96509 BINTANGOR, SARAWAK

TUGASAN 1

Nama : JORDAN GLENN DIGAT ANAK JANTING
Angka Giliran : 2021032340161
No. K.P. : 030514-13-1161
Kumpulan : PISMP BIBB AMBILAN JUN 2021
Kod Kursus : BIBB3193
Nama Kursus : MORFOLOGI JAKU IBAN
Nama Pensyarah : PUAN BELIN ANAK ENSING
Tarikh Hantar : 12 OKTOBER 2022

Tandatangan Pemeriksa :
Nama Pemeriksa : PUAN BELIN ANAK ENSING
Tarikh Pemeriksaan :

Pengesahan Maklum Balas Kerja Kursus
Saya mengesahkan bahawa maklum
balas yang diberikan oleh pensyarah
telah saya rujuk dan fahami.

...............................................
Tandatangan Pelajar
Tarikh: ... .......

RIPIH ISI LAMBAR
2
PEKARA 2
1.0 PELASAR TANYA 1 3
2.0 MORFOFONEMIK 3
3.0 PROSES MORFOFONEMIK 3
4
3.1 Proses Ubah Fonem 4
3.2 Proses Nambah Fonem
3.3 Proses Pengelenyau Fonem 6
4.0 SIMPUL PENEMU 6
KEREBAN SANDING 6
7
1.0 PELASAR TANYA 2 7
2.0 PROSES NEMPA LEKA JAKU BARU 8
8
2.1 Munyi Jaku
2.2 Tempa Leka Jaku Bepelasarka Research Based Education
2.3 Ubah Ke Baru Dalam Tukuh Jaku
2.4 Sistem Sepil Leka Jaku Baru
3.0 SIMPUL PENEMU
KEREBAN SANDING

1

1.0 PELASAR TANYA 1
Jaku Iban kemaya hari tu benung mansang ngerembai nitihka jaku bansa bukai

mega. Nya alai, bala nembiak suah diberi peransang ngambika ransing agi besekula
lalu ulih belajarka jaku Iban. Diatu, jaku Iban mega udah nyadi siti opsyen ti bisi diambi
bala siswa penarak pengajar ba Institut Penarak Pengajar (IPG). Ketegal ti deka
ngemansangka jaku Iban, mayuh leka jaku baru ditempa ngambika ulih tegap baka
jaku bukai. Dalam nempa leka jaku baru, penemu morfologi sigi dikemeratka. Nitihka
Abdullah Hassan (2006), morfologi iya nya pampang penemu ti mansik jalai nempa
leka jaku. Iya mega bidang ke betungkapka struktur, tukuh enggau raban jaku. Berindik
ari jaku ngagai raban jaku nya, leka jaku ulih didijirka ngagai raban ti bisi leman
penyemaka lalu ulih mega dibagi nitihka guna iya dalam raban leka jaku ti sama.
Morfologi tu mesti ditarakka enggau manah laban iya chukup beguna dikena ngayanka
guna tiap iti konstituen jaku ngambika ulih dikena enggau menyana. Morfofonemik
salah siti utai ti dipansik dalam morfologi. Morfofonemik tu belajarka ubah-ubah fonem
ti nyadi ketegal biuh morfem bukai (Ramlan, 2012).

2.0 MORFOFONEMIK

Morfofonemik iya nya subsistem ti ngaitka morfologi enggau fonologi
(Kridalaksana, 2007). Iya mega struktur jaku ti mandangka pola fonologi ari morfem.
Morfofonemik suah diguna tauka dipeda kitai ba utai ti ditulis baka media chelak surat
kabar laban iya ulih ngenataika lemu jaku ngagai bala mayuh. Nitihka penemu Chaer
(1994), proses morfofonemik tu dikelala mega enggau nama morfonemik,
morfofonologi tauka morfemis ke berubah dalam proses morfologi sechara afiksasyen,
reduplikasyen tauka komposisyen. Nyadi, konsep morfofonemik tu iya proses ti
ngubah fonem nyadi fonem bukai. Ubah fonem bepanggai ba fonem keterubah iya
nya fonem ke ditangkan tauka ari mua fonem ti deka diubah. Reti nya, morfofonemik
iya nya proses ti ngubah fonem bekau ari dua tauka lebih morfem ti disakum.
Nyemetak agi, proses morfofonemik ulih ngubah munyi leka jaku sepengudah fonem
ba dalam morfem ti disakumka nya diubah. Taja pia, iya agi mai reti ti sebaka enggau
urat jaku tajapan chara nguna iya udah berubah. Nyadika simpul, ubah munyi tauka
fonem tu bepelasarka morfem ti disakum.

2

3.0 PROSES MORFOFONEMIK

Nasution (2017) madahka morfofonemik tauka morfofonologi iya nya proses
nuruka morfem ti ayan bekau ari biuh morfologis enggau fonologis. Nyadi, bisi tiga iti
chara ti ngubah fonem iya nya nengah proses ubah fonem, proses nambah fonem
enggau proses pengelenyau fonem.

3.1 Proses Ubah Fonem

Proses morfofonemik ti keterubah iya nya proses ubah ba fonem.
Fonem berubah ketegal ari bekau dijir tauka sakum siti morfem enggau morfem
bukai. Ba proses tu, fonem berubah bepelasarka dua iti morfem ti ditangkan ba
mua fonem. Chunto proses ubah fonem keterubah iya nya /peburak/ nyadi
/pemurak/. Proses ubah ba ditu nyadi ketegal morfem /pe/ enggau morfem
/burak/ dijantilka. Sepengudah iya dijantil, fonem /b/ ba morfem /burak/ nya tadi
lalu diubah ngagai fonem /m/. Chunto ti kedua iya nya fonem /pe/ ditambah
enggau /tinggi/ lalu nyadi /peninggi/. Proses ubah ti nyadi ba fonem /peninggi/
tu iya nya ubah fonem /t/ ngagai fonem /n/. Kelimpah ari nya, chunto ke bukai
ti ulih diambi iya nya proses ubah fonem /peninduk/, asil ari morfem /pe/ enggau
/tinduk/ ti dijantil/. Ba ditu, fonem /t/ ba /tinduk/ nya diganti enggau fonem /n/.
Chunto ti keempat, proses morfofonemik /pemajik/. Proses tu nyadi asil ari
morfem /pe/ ti dijantil enggau morfem /bajik/. Fonem /b/ ba /bajik/ diubah
enggau fonem /m/. Nyadika simpul, proses ubah fonem tu ngubah fonem tauka
siti urup ti bisi ba urat jaku lebuh maya iya udah disakum enggau sesebengkah
morfem ba mua.

3.2 Proses Nambah Fonem

Proses iya ti kedua iya nya proses nambah fonem. Proses tu nyadi
bekau ari siti morfem enggau morfem bukai ti dijantil. Morfem ti suah dikena
dalam proses nambah fonem tu iya nya morfem /b/ enggau /be/. Ambika chunto
iya nya /berambun/. Ba fonem tu tadi, iya nyadi bekau ari morfem /be/ enggau
morfem /ambun/ ti dijantilka. Proses morfofonemik ti nyadi ba fonem
/berambun/ iya nya fonem /r/ ditambahka ba tengah-tengah iya. Chunto proses
nambah fonem ti kedua iya nya /b/ ti ditambah enggau morfem /sulu/ lalu nyadi
fonem /besulu/. Fonem ti ditambah ba chunto tu iya nya fonem /e/. Iya ti ketiga
iya nya fonem /berujan/. Iya nyadi asil ari sakum morfem /be/ enggau morfem
/ujan/. Fonem /r/ ditambahka ba tengah-tengah dua iti morfem ti disakumka nya
tadi. Chunto ti bukai ti ulih diambi mega iya nya /betenggau/. Iya nyadi bekau
ari morfem /b/ ti ditambahka enggau morfem /tenggau/. Bepelasarka chunto

3

dalam proses morfofonemik /betenggau/, fonem /e/ ditumbuhka. Ditu kitai ulih
meda, proses nambah fonem tu proses ti nambahka siti fonem ba tengah-
tengah morfem keterubah enggau morfem kedua.
3.3 Proses Pengelenyau Fonem

Proses morfofonemik ti kepenudi iya nya proses pengelenyau fonem.
Proses tu nyadi ketegal bekau ari dijir siti morfem ti ditambahka enggau morfem
bukai. Ambika chunto baka leka jaku /nyium/. Iya nyadi bekau ari morfem /ny/
ti ditambah enggau morfem /sium/. Proses morfofonemik ti nyadi ba /nyium/ iya
nya ngelenyauka fonem /s/. Chunto ti kedua iya nya sakum morfem /ng/ enggau
morfem /gelam/ lalu nyadi fonem /ngelam/. Bepelasarka chunto nya, fonem /g/
dilenyauka. Kelimpah ari nya, chunto bukai ti ulih diambi iya nya /nyemerai/ ti
nyadi ari sakum morfem /ny/ enggau morfem /semerai/. Proses morfofonemik
/nyemerai/ iya nya ngelenyauka fonem /s/. Pia mega, leka jaku /ngiga/ mega
nyadi nengah proses ngelenyauka fonem. Fonem tu nyadi ari sakum morfem
/ng/ enggu morfem /giga/. Fonem ti dilenyauka iya nya fonem /g/. Chunto iya ti
kepenudi iya nya morfem /ny/ ditambah enggau morfem /sabak/. Bekau ari dua
morfem ti ditambah nya tadi lalu nyadi fonem /nyabak/. Proses morfofonemik
ba fonem /nyabak/ iya nya ngelenyauka fonem /s/. Nyadika lalau, proses
pengelenyau fonem tu ngelenyau tauka ningkilka siti fonem ari morfem ti
kedua.

4.0 SIMPUL PENEMU
Nyadika simpul, penemu senentang morfofonemik tu chukup beguna dikena

kitai ngemansangka jaku Iban. Kebuah pia laban kitai ulih nempa leka jaku baru
bepelasarka tiga iti proses baka ti udah dipejuraika aku. Nya alai, kitai patut ngambi
bagi dalam belajarka penemu senentang morfofonemik enggau lemu jaku Iban ti bukai
ngambika jaku Iban enda lesap dudi hari ila.

4

KEREBAN SANDING
Abdullah Hassan. (2006). Morfologi. Kuala Lumpur: PTS Profesional Publishing Sdn. Bhd.
Chaer, A. (1994). Linguistik Umum. Jakarta: PT. Rineka Cipta.
Kridalaksana, H. (2007). Pembentukan Kata dalam Bahasa Indonesia. Jakarta: Gramedia

Pustaka Umum.
Nasution, S. S. H. (2017). PROSES MORFOFONEMIK DALAM BAHASA JEPANG. LINGUA:

Jurnal Bahasa, Sastra, Dan Pengajarannya, 14(2), 259–266.
https://doi.org/10.30957/lingua.v14i2.308
Ramlan, M. (2012). Morfologi Suatu Tinjauan Deskriptif. C.V Karyono.

5

1.0 PELASAR TANYA 2

Baka ti udah ditemu, menua Malaysia bisi ngembuan mayuh macham bansa.
Setiap bansa nya mega ngembuan jaku diri empu baka bansa Melayu, bansa Cina
enggau bansa India. Nitihka Dewan Bahasa dan Pustaka (2018), jaku iya nya lambang
munyi nyawa ti befungsyen kena mensia berandau, mantaika pengasai ati enggau
runding. Diatu, jaku Iban udah bisi dipelajarka ba tikas sekula primari enggau
sekondari. Nya alai, jaku Iban bisi ditawarka nyadi siti opsyen ba Institut Penarak
Pengajar (IPG) tikas degree ngambika ulih ngadaka pengajar ke ngembuan penemu
jaku Iban enggau dalam. Enggau penemu ti dikembuan nya, kitai ulih nyungkak sereta
ngemansangka jaku Iban ngagai tikas ke tinggi agi. Jaku ulih mantu mensia
beinteraksyen, bekunsi penemu sereta ngasaika pengerembai teknologi ti semampai
ngerembai (Mustaffah, 2005). Nya kebuah diatu mayuh leka jaku Iban ditempa enggau
manah ngambika Iban ngembuan leka jaku ti meruan.

2.0 PROSES NEMPA LEKA JAKU BARU

2.1 Munyi Jaku Iban

Munyi jaku tu bisi besangkut paut enggau penemu senentang fonetik
enggau fonologi. Marsono (1986) madahka lemu fonetik iya nya pampang
penemu ti mansik munyi-munyi jaku tang iya enda beratika fungsyen munyi nya
lalu Asmah Omar enggau Rosline Sandai (2012) madahka fonologi nya pansik
pasal munyi jaku, lebih agi munyi ti dikemisika dalam sesebengkah bansa jaku.
Munyi jaku Iban ngembuan empat iti bagi baka vokal, konsonan, diftong
enggau patah sebut. Munyi vokal bisi enam iti baka [a], [ə], [e], [i], [o] enggau
[u]. Taja pia, vokal semina ngembuan lima iti lambang laban fonem [ə] enggau
[e] ditanda enggau siti urup iya nya [e]. Konsonan mega dibagi ngagai tiga bagi
iya nya konsonan tulin, injau enggau turu. Munyi urup konsonan tu nadai
dikembuan dalam urup vokal baka munyi [b], [d], [g], [h], [k], [l], [m], [n], [p], [r],
[s], [t], [w] enggau [y]. Munyi konsonan injau iya nya [c], [f], [q], [v], [x] enggau
[z] lalu munyi konsonan turu baka [ng], [ny] enggau [ch]. Iya ti ketiga iya nya
diftong, asil ari dua vokal ti dijantilka baka au, ai enggau oi. Lalu iya ti kepenudi
iya nya patah sebut baka jaku tunggal siti patah sebut, dua patah sebut, tiga
patah sebut enggau empat patah sebut. Akronim mega disengkaumka dalam
patah sebut.

6

2.2 Tempa Leka Jaku Bepelasarka Research Based Education

Ukai nya aja, nempa leka jaku mega ulih bepelasarka Research Based
Education tauka pansik-pansik betukuh akademik. Nelson Tandang (2020),
madahka teori strukturalisma nya siti ari teori ti dikena mansik teks. Teori tu
meratika gaya jaku, diksyen, stanza enggau prosodi. Keterubah, gaya jaku tu
beratika chara milih jaku, frasa enggau ayat ke dikena ngasilka teks. Chunto
elemen dalam gaya jaku iya nya hybrid, akronim, anaphora enggau mayuh agi.
Udah nya, sukut diksyen dikena milih leka jaku ti nemban enggau konteks
ngambika mai reti ke engkeman dikena ngenataika runding dalam teks lalu
stanza nandaka tukuh baris tauka ayat ke ditusun lalu ngasilka tukuh teks.
Chunto elemen baris baka prolog enggau epilog. Kepenudi bendar iya nya
prosodi. Sukut prosodi meri fokus ngagai enteli tauka rima ti dikena dalam teks
baka jeda, rima enggau emotif.

2.3 Ubah Ke Baru Dalam Tukuh Jaku

Ketegal jaku Iban diatu nyau jauh udah mansang ari ke udah, mayuh
utai ti udah berubah kelebih agi ari aspek tukuh jaku. Elemen ti dikembuan
dalam tukuh jaku baka jaku tunggal, jaku nama turu enggau jaku betandu. Jaku
tunggal ulih dipeda ari sukut patah sebut ti ulih ngundan siti tauka lebih patah
sebut. Iya ulih dibagi ngagai lima bengkah. Iya ti keterubah iya nya jaku tunggal
siti patah sebut. Ambika banding baka leka jaku ai, ba, teks. Jaku tunggal dua
patah sebut baka api, mata, jelu lalu jaku tunggal tiga patah sebut nya baka
pagila, kemari, sempama. Sepengudah nya, chunto jaku tunggal empat patah
sebut baka universiti, emperaja enggau bekeranding. Akronim mega
disengkaumka dalam jaku tunggal laban iya disepil sekali taja pan mai reti ti
panjai. Iya nyakumka urup keterubah ari rambai jaku ti dipandakka baka ASNB
ti datai ari rambai jaku Amanah Saham Nasional Berhad. Udah nya, jaku turu
nyadi ari proses bedijirka dua urat jaku tauka lebih lalu iya mai reti ti menyana.
Siti urat jaku nya endang udah ngembuan reti kediri lalu iya deka mai reti ke
baru sepengudah dituruka enggau urat jaku bukai. Jaku tu bisi empat iti bagi.
Iya ti keterubah iya nya jaku turu meali-ali baka jalai alun lalu chunto bagi jaku
turu penemu baka telefon binching. Udah nya, chunto jaku turu gelar iya nya
Tuai Rumah lalu chunto jaku turu besilup baka ati hari. Iya ti kepenudi iya nya
jaku betandu. Ambika chunto, jaku betandu penuh baka rumah-rumah, jaku
betandu sebagi baka lelayang lalu jaku betandu beenteli baka duit-ringgit.

7

2.4 Sistem Sepil Leka Jaku Baru
Diatu, jaku Iban udah ngembuan bup sistem jaku kediri empu ti betajuk

“Sistem Jaku Iban di Sekula”. Entara utai ke dirintaika dalam bup tu iya nya
sistem enggau atur sepil ti standard. Nyadi, bisi lima kriteria sepil jaku Iban
baka prinsip linguistik, penulin, penyedang, pengelentur enggau praktikal.
Prinsip linguistik tu dijadika pelasar ke pemadu beguna dalam merambu
sesebengkah pengawa ti deka ngasuh jaku nya standard ari segi struktur jalai
jaku. Tang, pengentap sistem sepil jaku Iban enda ulih bepanggai endar ba
prinsip tu laban bisi ngembuan pengaya jaku kediri empu enti disemaka enggau
jaku bukai. Kriteria ti kedua iya nya penulin. Jaku Iban ngembuan penulin jaku
kediri empu ti ngemidaka iya enggau jaku bukai. Iya ti ketiga iya nya penyedang
nerangka jaku Iban enggau jaku injau tu ditulis ngena urup Roman ngambika
bansa bukai ulih meretika iya lalu kriteria ti keempat iya nya pengelentur ti
madahka pasal jaku Iban ulih ngerembai ari semua sukut. Kriteria ti kepenudi
iya nya praktikal. Iya madahka meseti praktikal ngambika semua orang ulih
nerima sereta belajarka jaku Iban enggau nemban dikena. Sepil tu ulih diubah
nitihka leka jaku ti ditempa. Ambika banding, leka jaku injau ari English ti mai
urup “tion” ba ujung ulih diubah ngagai “syen” dalam jaku Iban. Chunto iya
television nyadi televisyen lalu station nyadi stesyen. Tang, enti urup “tion” nya
ba tengah leka jaku, sepil iya enda berubah baka dictionary nyadi diksionari.

3.0 SIMPUL PENEMU
Nyadi, mayuh macham chara ti ulih dikena nempa leka jaku baru ngambika

jaku Iban mega ngembuan jaku kediri empu ti entap baka jaku bukai mega. Kitai meseti
nyungkakka jaku Iban ngambika enda tinggal laban arus pemansang dunya.

8

KEREBAN SANDING
Asmah Omar & Rosline Sandai. (2012). Fonologi Bahasa Iban. Penerbit Universiti Pendidikan

Sultan Idris.
Kamus Dewan Edisi Keempat. (2018). Dewan Bahasa dan Pustaka. Carian Umum.

https://prpm.dbp.gov.my/cari1?keyword=bahasa
Marsono. (1986). Fonetik. Yogyakarta: Gadjah Mada University Press.
Mustaffa, C. S. (2005). Pemilihan strategi dalam komunikasi perundingan (M. B. Othman & M.

T. Ariffin, Eds.). Repo.uum.edu.my; Universiti Utara Malaysia.
https://repo.uum.edu.my/id/eprint/5643/
Nelson Tandang Edwin Unting. (2020). Pansik Pelajar: Betukuh akademik dalam penemu
linguistik enggau pelajar. Institut Pendidikan Guru Kampus Sarawak.

9