Zima

Zbornik uredio
Ivan Grahovec

***
Predgovor
Katarina Zadrija

***

Izrada digitalne e-knjige
Ivan Grahovec

Sadržaj

6. Terezija Flegar, Sračinec
7. Stjepan Pišta Makovec, Štrigova
8. Božica Črljenec Slijepčević, Gradečki Pavlovec
9. Snežana Liber, Sračinec
10. Biserka pl. Vuković, Strahoninec
11. Ivan Grahovec, Čakovec
12-13. Želimir Novak Ostrnjanski, Ostrne
14. Željko Bajza, Zagreb
15. Katarina Herman, Prelog
16. Marija Petrek, Vrbovec
17. Ružica Kopsejak, Donja Velika, Preseka
18. Katarina Zadrija, Vrbovec
19. Vera Tomić, Dugo Selo

KAJ JE ŽIV!

Poštovani,

zahvaljujući kajkavskom pjesniku Ivanu Grahovcu iz Čakovca
koji čuva i njeguje svoj međimurski izričaj, pred sobom imamo zbornik
radova članova Facebook grupe “Vaša poezija, satira i proza na kajkavs-
kom“.
Ivan Grahovec je do danas izdao tri zbirke poezije na međimur-
skoj kajkavštini. Sudjeluje na pjesničkim večerima i recitalima diljem
kajkavskih regija i šire. Svojom poezijom daje veliki doprinos očuvanju
kajkavske riječi.

Kajkavski govor, kojemu je pod utjecajem ilirskog pokreta
oduzet status jezika, još uvijek kao takav živi u narodu. Sačuvan je dobar
dio leksika i gramatike, iako je od 1995. godine, pod utjecajem uselje-
nika iz štokavskih krajeva potiskivan i zanemarivan. Posljednjih godina
doživljava svoju renesansu. U kajkavaca se budi osjećaj za materinsku ri-
ječ. Počinje se shvaćati vrijednost govora i baštine žive kajkavske riječi.
Narod bez jezika prestaje biti narodom. Jezik ‘’gornjohrvatskih’’ Hrvata
je kajkavski. Na nama koji ga baštinimo je zadaća očuvati ga i prenijeti
našim potomcima.

Sveopća globalizacija i društvene mreže, uz sve svoje mane,
donose nam i blagodati okupljanja ljudi koji imaju iste interese i zani-
manja. Pod utjecajem kajkavske renesanse pokrenuto je više kajkavskih
grupa na raznim društvenim mrežama. Tako je i gospodin Grahovec oko
već spomenute Facebook grupe okupio zavidan broj pjesnika koji u grupi
objavljuju svoju poeziju. Željom za očuvanjem i okupljanjem pjesama u
jedinstven dokument napravio je e-knjigu „Zima“.

Otvarajući dokument e-knjige „Zima“ ne možemo pojmiti koliko
je ljubavi utkano prema govoru i kraju svakoga pojedinca. Pjesnici su
pjesme ispleli u tkanicu ljubavi prema zavičaju, domu, ljudima i mater-
inskoj riječi. U knjizi je zastupljeno dvanaest zavičajnih autora iz različi-
tih kajkavskih krajeva. Svaki se autor predstavio govorom svojega kraja.

Čitatelj će se zapitati o vrijednosti pjesama utkanih u tkanicu „Zima“.
Svaka pjesma je vrijedna. U nju je uložen trud i rad svakoga pojedinca,
njegovi osjećaji. Isto tako svaka pjesma ima svoju publiku. Možemo mi
davati svoj sud, ali dokle god autori pišu i napreduju, njihov rad vrijedi.
Ako pitate autora za mišljenje o njegovom radu, uvijek će više vrijediti
onaj koji će vam reći: „Radim ono što volim, s ljubavlju, učim i una-
pređujem se.“, za razliku od onoga koji će nadmeno istaći:“Ja sam veliki
pjesnik“. Od osnutka grupe pratim pojedine autore. Ima ih jako dobrih,
dapače izvrsnih, a ima i onih koji iz dana u dan napreduju. Talenat je
neugledan kamenčić u kojem se krije zrno zlata. Ako taj kamenčić ne
obrađujemo, do onog zrna nikada nećemo doći. Ili će, kad ga pronađemo,
zabljesnuti. Ako ga ne održavamo, prekrit će ga patina. Svima nama koji
pišemo želim da njegujemo i „glancamo“ to žuto zrnce. Neka se sjaji.

Čitateljima želim užitak čitanja uz otkrivanje mnogih već zabo-
ravljenih riječi i prisjećanje na iste. Krenite dalje, uživajte u bogatstvu
i različitostima kajkavskog govora koji vam dočarava ljepotu i ljubav
prema kraju.

Na kraju se zahvaljujem gospodinu Ivanu Grahovcu na trudu i
radu na izradi ove knjige. Nekima je ovo prva objava, neki od nas smo
veterani, ali svi smo složni u jednom: Volimo i njegujemo naš KAJ!

Katarina Zadrija
pjesnikinja iz Vrbovca

Terezija Flegar, Sračinec

SNEGUVIČ

Gle ti jega, ves ud snega.
Sam stuji tu nasred brega.
Ud tri grude, un je cieli
Tijelu mu je snieg bieli.

Lunec plavi mu na glavi.
Stuji tak kak čovek pravi.
Mestu lasi slama žuota
Mestu šala stara cota.

Oči su mu črne, vuglene,
nuos pa ud mrkve ftrgjene.
Zuobe njema, samu crtu,
v ruoki drži meklu rezdrtu.

Zima mu je pajdaš pravi
Cijelu zimu z decum slavi.
Jer da suonce se pujavi
Ustov bu samu lunec plavi.

Ustala bu mekla i gombi ud vuglena,
A mrkva bude ud ftiči pujeđena.
Zanavjek nestav bu na suoncu un,
a deci budu rekli udešev je v štacun.

6

Stjepan Pišta Makovec, Štrigova

BELA ODEJA

Dok v spanju sak stvor je prebival,
Prebudil se v oblaku sneg.
V zibači je beloj zazibal
Ravnice i dole i breg.

Zasipal se hižice male
I mrzle jim obloge djal.
Živinu je zaprl vu štale
I legel si kak da bi spal.

Je beli kak bela je sneha
Ki tam pred oltorom stoji.
Je gospodar dola i brega.
I zemlica pod njim si spi.

A dečici srce se smeje
Dok beli glediju si sneg.
Je mrzel, al dušu jim greje
Dok sančice vlečejo v breg.

A breg tak kak cvetje je belo,
Tak beli i svetel kak raj.
Pod belom odejom je selo,
Gorice i pole i gaj.

7

Božica Črljenec Slijepčević, Gradečki Pavlovec
ZIMSKA PRIČA
Zmrznule se jezere male
I vse je najempot stale
Se je do sad jedna raca mala
Vu jezeru se temu kopala
Sad same tak stoji i gledi
Vu špiglina cijelega od leda
Zebe ju i na jedne noge stoji
Do protuletja ona dane broji..
Tam pak z ledvene šume
Srndač me mile gledi
Na srebrne grane senica sedi
Na nebu vse na sneg zgledi
Same hižice male vu selu
Čkomiju i čekaju zimu belu
Na stuolu tuopla gibanica
Čeka da dojdeju nam deca

8

Snežana Liber, Sračinec
KAM SU SKRILI SNIEG
Kam su skrili snieg ?
Morti nekam za veliki brieg ?
Ili samu neče da curi
za Bužič da nas rezveseli.
Zgleda da smu zločesti ljudi pustali
i bez snegeca ustali.
Preubrnoli smu nauompak cieli sviet
pa i unie veliki ledeni brieg.
Neznamu si čuvati zemlicu majčicu milu
nigdar več nebu kak je negdar bilu.
Priroda je ubrnula ringlišpil četverogodišnji
na šterumu se vrti vrieme čudnu
z neizviesnusti punu.
A morti su došli samu nekakvi čudni svati
ka nam bužičnu idilu skrati.
Došli su došli, snegec su nam skrili,
de su uni liepi cajti
da smu ž jiem zatrpani bili ?

9

Biserka pl. Vuković, Strahoninec

BEJLA ZIMA SE ŽENI

Čokam zijmu da dojde, to lejpo frajlo,
svojim bejlim dugim holjama zagrnuta,
bejlim krznom koli vrota kak bejle lisice rep
gizdava, z dugim mrzlim bejlim škramplima-

Kaj pofarba Međimurje moje malo
sela, šume, pola, vulice i cejli kraj,
da se dobi svetleči svetešji sjaj
kak srebrne šubare po krovima.

Si krovi po grodu bleščiju, došla je!

Cincerlica sih dužina, duge i krotke,
jene debele, druge pak tenke
beščijo kak bisernice na zlotnom suncu.

Dotepla se zima pa se špinći svojim bejlim holjama,
da se pokaže kakše bo se ove zijme mejla,
sprevoja se zijma po grodo, severjok je vozi
pre sakim vrotima sever malo postone pa pomete.

Malo se zamete, negdi odmete pa se smrzne
kak špigel skliski svetleči i deco k sebi zove:
„Dojdite se sklizat, sonjke si donesite!“,
zbrali so si te dvo, zima bejla i severjok svoje svate.

Se posot so letali, plesali, skokali, prepelovali, fučkali
si svati z jimi se bejle pahuljice svotevce im bile,
lejpa bejla zima,
vu lejpom Međimurju svoje gustuvaje.

Pre nam ima si se veselijo,
mlodi i stori, deca najveć i jo!

10

Ivan Grahovec, Čakovec

ZIMA

Zima, sunce slabo greje, fletno zojde,
mrzel veter podbrivle, sako lukjo nojde.
Po senokošaj je zmrzla požutila trova,
i zodjemo se cveto doli pognola glova.

Noč je tiha sam je vetra čuti kak puše,
ftiči so ftihnoli nega nigdi žive duše.
I potok je zmrznol zaspal pod snegom,
sneg je zaravnal so ravnico z bregom.

Puno nebo sivi oblaki celi den sneg,
se je več pobelil ravnico i saki breg.
I sam ga ide nikak se nebre zastajti,
zapal, kaj se pot niti steza nebre najti.

Po dnevo je zima, a v noči išče bole,
deca zmržjena dojdo dimo škole.
Zgrejejo se pri peči i da se stopijo,
do trde se kmice na snego veselijo.

Se hiže pod snegom z rafonga se kadi,
si koli peči čokajo kaj se vreme stopi.
Zima je, nikaj strašno je tak od navek,
da protuletje dojde bo se otopil sneg.

11

Želimir Novak Ostrnjanski, Ostrne

ZIMSKI CUG

Snek je prek kolena zapal,
veter fučka, šajba kej se da
kej da zutra neje dana
vuva su nam sa premrzla
se ji dragame z rukami
a i te kak rukavice su se več smrzle

Zajec mamu išče a cuga još ne
Zima fest stisnula, cipele mokre
Veter kaput prebija, lačice tenke
Si na mestu tancame, kej dromničicu

Je, je i stare i mlade jenak se mrzne
Još ga ne, gda bu jenput došel
stalne jen drugoga spopitavle

Pitame onoga ki karte prodaje
Jel pune kesni, jeli ima kakov glas
jeli je to negov signal tukel
…žice su pune leda
ot toga zvoncajna se niš ne razme
tri put po dva, jel tri put po tri
jeli lojnski jeli zagrebečki
jel signal zajnega ili za teretnaka

Onda v jenu dobu veli vaktar
da kesni sto minut za prvi put
…po vuru i dve su kesneti znali
pametim i ja, nesem već bil mali

12

Želimir Novak Ostrnjanski, Ostrne
Si se nekak nekam, kej geneju
nekteri stareši koračiju prvi
vu snek nekak, prtiti traga
za nas menše kej sme školu išli
Razmem ja kej su stareši rekli
Buš već videl gda buš vekši bil
Tu na Sela, pešice se navek išle
Cipel cug i leskova karta
Na pilanu il kam drugam delat
Drugi vu školu, trejti k doktoru
Gda bi morti za cug penes imel
gda si čekal fest si se nazimel

13

Željko Bajza, Zagreb

BELE NITI

Vu mojemu sečanju jesu slike mojega živlenja,
mojega detinjstva, moje mladosti i mojeh hotenja,
z njimi ja potvrjujem svrhu svojega pustujanja.
Vsake zimske praznike sem provel pri moje babice.
Od kud tulike beline, čistoče i mira vu jedne sobe.
Je li te moja baka ili moja mati, ublečena vu čistoču beline?
Bela je oprava, bela je bluza, bela je pusteljina.
Bela svetlost upada črez okne vu sobu.
Bele je povesme i bele su niti tere izhajaju spud spretneh prstev.
Te bele končaste tvorevine poticaj su ovumu stvaranju.
Zlaten je same topli opahnuti kruh na belemu stolnjaku na stolu.
Brestovec je del mojega živlenja pretvoril vu folklor,
pustavivši mene za kneza mira, dajuči mi rang počasti.
Tu sem zaledil na odrejene vreme svoj svet minijaturi,
teri predpostavlja drugačeši senzibilitet.
Scenarij raneh letah oblikuje teoriju živlenja.
Pitaš se jesu li zbiljske oči tere te glediju vu vuloge zaštitnika?
Vsakoga jutra posle bujenja pozdravljala me rosna zelena trava
i žutozelene listje mojuga jorgovana pud oknem.
Vreme nas ni mogle prevariti.
Vsi scenariji zdavna su več poznati.

14

Katarina Herman, Prelog

PRE ŠPORHETU

Vuni zima, sneg, cincerlice.
Nigdi žive duše, niti ftice.
Samo japa z vijačom
Snega rezmeče,
na kup nameče.
Stezu k štali i kocom prebija,
ka se nahroni, zmržjena šterčija.

V mali kuhnji, si se ščuskaju.
Na škatulji z drvi,
Čist kre vroti, ka se bodo greli prvi,
stiščeju se mojča stora
i stolno hacaju v šporhetu žora

Mama zmočena , na stolcu sedi,
Kolovreta tira, prede i dečicu gledi.
Dosti bo preje za opravice tkati,
Japi bo zoto klopke tre namotati…

Mamica koli šporheta i pečnice škročiju,
Dišeče koruzne hljebeke vum zvločiju.
Vnukecom prve skrojčeke v roke pošturneju
Na temenu je išče i z gunjom ogrneju.

Mojča na škatulji čislo zmoliju,
Pripovesti dečici od maloga Isuseka prepovedaju.
Unda pak si skupa Božične pesme zapopevljeju…

15

Marija Petrek, Vrbovec

ZIMU SEM SENJALA

Spod tople pernate tuhice,
zimu sem senjala.
Na obloku mesto firongi,
najlepše rože je zima narisala.

Vu zidanoj peči, drva su pucala,
iskra do iskre vu pepel je frcala.
Toplinu hiže vu srcu sem držala,
a ledvene sveče s krova, na soncu
su plakale.

V jutre, dok su još zvezde na nebu bile,
na zornicu sme išli, a sneg je škripal
pod nogami. Sneg, kak biser je svetlil.
Vu gumenim čižmama, premrzle noge
v obojke zamotane.

Deda je s trapa dišeče jabuke donesel,
kaj na jelovu granu bumo deli.
Babica je rože od papera delala
i mrzletinu kuhala, kaj na Badnjak bumo jeli.

A onda me sonce zbudile, toplina čez oblok
vu hižu je došla. Na obloku smržnjene rože
nesem našla, ni snega bile nie.

Čovek je svoje prste vu prirodu fteknul
i se na ovem svetu, pošemeril.

Na zornicu idemo, Bogu se moliti,
da se one kaj je čovek pokvaril,
Bog proba popraviti.

16

Ružica Kopsejak, Donja Velika, Preseka

DOŠEL BO BOŽIČ

Doge su mrzle noči
I zvezde se krešu
A mesec žoti se preštimava ž njimi.

Gledi se zgora :
Hižičke male i kak se z rafanjga dimi.

Ljudi kak črvi po dvoru vrviju
Pospravljaju pot krof se kej se da :
Kola, plug. Lotre i šaraglje
Gde koju božičnicu, ak se ni smrzla
Brže ž njo v žitek- zapiraju štaglje

Zdeni je sever počel se jakše vlječi
Za vuha ščiplje nos ti ljepi
Niš za čude ni, am Božič je bljizu i naj je zima!
Isusek se bo narodil i kre srca nam je topljina

Došel bo Božič za koji dan
Si bome srečni kak nigdar
Boreki f hiži, slama pot stolem
Na slame dečica, kak anđeljeki malji
Božična sveča bo gorela, ne bo tmina.
Same f peče pucketa, drugač sveta tišina.

17

Katarina Zadrija, Vrbovec

KIPEC LEDVENI

Mier, čkomina, mladomu vetru se spi.
Bielu tujicu raši, v zrak diže pahuljicu.
Srebrnec z neba rasvietlil je kmicu.
Na oblouku je mraz narisal roužicu.

Mier, čkomina veter sad jelu draži,
Z perjem pod nosem ju žekče
Nek zakašlja, morti i bielu bundu
Zo sebe hiti med smržnjeno cvetje.

Z strohe napoak vise svieče.
Mesec je vu nji iskru prižgal
Kak đunđe se svietle viseče.
Mer čkomina i veter već spi.

Zeledile se se i misel i dele
I se ljiepe na glatki stekleni kipec
Z majstoursku rouku narisane biele.
Na nebu sad obešeni stoji on ledveni.

Nemrem, nemrem to podnesti
Kriči vu mene, rastepsti me oče
Raspnite me rajši nek da živeti
Mouram vu te ledvene glatkoče.

18

Vera Tomić, Dugo Selo
VREDNA DEKLA
Čez obluk gledim nešti mi se nalukava
zima je huda ve znam za zemlu je zdrava.
Sige duge lepe blešćiju
na mesećine se nigdar ne otopiju.
Zamatam se vu postelu grem spati,
vajnkuša je preslekla stara mi mati.
Jutre bu hitre došle moram se naspati,
vozim mleke i sir, na placu ga prodati.
Če nebum bormeš se dobre prodala,
mamek me nebu za jureka dala.
Već se vurica pomale da čuti,
moram si zglancane čizmice obuti.
Blagoslovi mamek mene na meše,
od mene ti nebu nigde bolše sneše.

19